# Пракуратура Горадні з пачатку года накіравала ў суд 75 заяваў аб прызнаньні матэрыялаў «экстрэмісцкімі»

- URL: https://syn.by/dziarzhava/pravy-chalaveka/prakuratura-horadni-nakiravala-75-zajavau/
- Published: 2026-11-10T18:05:37+00:00
- Updated: 2026-11-10T18:05:37+00:00
- Section: Правы чалавека
- Language: be
- RU edition: https://syn.by/ru/gosudarstvo/prava-cheloveka/prokuratura-grodno-75-zayavleniy-ekstremistskimi.md
- EN edition: https://syn.by/en/state/human-rights/hrodna-prosecutors-office-75-applications.md

> Суд Ленінскага раёна Горадні прызнаў «экстрэмісцкімі» тры TikTok-акаўнты. Копіі пастановаў накіраваныя ў Міністэрства інфармацыі для абмежаваньня доступу да матэрыялаў.

![](https://syn.by/wp-content/uploads/2026/11/illustration-6484-1024x585.webp)

Пракуратура Горадні з пачатку года накіравала ў суд 75 заяваў аб прызнаньні інфармацыйнай прадукцыі «экстрэмісцкімі матэрыяламі». Пра гэта паведаміла служба інфармацыі пракуратуры Гарадзенскай вобласьці. Заявы падавалі ў межах нагляду за выкананьнем заканадаўства аб процідзеяньні экстрэмізму.

Адну з заяваў пракурора задаволіў суд Ленінскага раёна Горадні: «экстрэмісцкімі» прызнаныя TikTok-акаўнты «Усе супраць Пуціна», «Зямлянін» і «Віталь Тарасаў». Паводле вэрсіі пракуратуры, там распаўсюджвалі відэа з заклікамі да захопу дзяржаўнай улады, гвалтоўнай зьмены канстытуцыйнага ладу, дзеяньняў супраць нацыянальнай бясьпекі і да ўдзелу ў незаконным мітынгу 9 траўня 2026 году.

Паводле заяваў пракурора, суд прызнаў «экстрэмісцкімі» матэрыялы ў 65 Telegram-чатах, ботах і каналах, 26 акаўнтах у Facebook, 7 старонках у Instagram, 7 каналах на YouTube і 4 акаўнтах у TikTok. Апрача таго, у сьпіс трапілі 3 акаўнты ў «УКантакце», профілі ў X, Threads і іншых сацсетках, а таксама 3 інтэрнэт-сайты.

Як паведаміла пракуратура, копіі судовых пастановаў накіраваныя ў Міністэрства інфармацыі. Ведамства мусіць уключыць прадукцыю ў рэспубліканскі сьпіс і абмежаваць доступ да яе. Фармальна гэта азначае, што матэрыялы са сьпісу ў Беларусі будуць закрытыя, а іх распаўсюд стане падставай для адказнасьці.