# Водгукі пратэсту французскіх дзеячоў

- URL: https://syn.by/historyja/archivy/vodhuki-pratestu-francuzskich-dziejachou/
- Published: 1924-05-22T19:45:00+00:00
- Updated: 2026-10-22T19:51:30+00:00
- Section: Архівы
- Language: be
- EN edition: https://syn.by/en/history/archives/echoes-of-the-protest-of-french-public-figures.md
- RU edition: https://syn.by/ru/istoriya/arhivy/otkliki-na-protyest-frantsuzskikh-dyeyatyelyey.md

> Соймавая камісія нарэшце ўзялася за турэмныя парадкі, але яе кіраўнік Тугут ужо паслаў у Парыж запэўніваньне, што пратэст — няпраўда. Пры гэтым ён, піша газэта, перакручвае факты пра склад камісіі.

![Водгукі пратэсту французскіх дзеячоў](https://syn.by/wp-content/uploads/2026/10/illustration-782-1024x585.webp)

Камісія Сойму да азнаямленьня з вастрожнымі парадкамі 15 траўня нарэшце пачала сваю дзеяльнасьць. Відаць, падзеяла адозва французскіх дзеячоў…

Цікава, што ўваходзячы ў склад адміністрацыйнай камісіі Сойму, амаль не яе старшыня, лідэр „Вызваленя“ пас. Тугут, як нам перадаюць з Варшавы, — яшчэ ня толькі ня маючы выніку дасьледу, але і перад распачацьцем працы камісіі па разсьледаваньню, — ужо затэлеграфаваў у Парыж да п. Гэррыо, што ўсё тое, аб чым пісалася ў адозьве, няпраўда. Зьбіваючы іх довады, пан Тугут наўмысьля фальшуе факты, бо ў сваім лісьце да п. Гэррыо паказывае, што нібы ў камісіі рэчазнаўцаў да справаў аб меншасьцях нацыянальных і аб направе стасункаў на „Крэсах Усходніх“ працуюць адзін беларус і адзін жыд, у той час, як да памянёнай камісіі на самым дзеле не запрошаны ні адзін прадстаўнік ад нацыянальных меншасьцяў, а ўспомненыя прадстаўнікі нацыянальных меншасьцяў працуюць толькі ў адміністрацыйнай Соймавай камісіі.

Добра здае экзамін на міністра ўнутраных спраў пас. Тугут…