# Сястра дарадцы Ціханоўскай працягвае працаваць у Акадэміі навук Беларусі

- URL: https://syn.by/palityka/apazycya/siastra-daradcy-cichanouskaj-praciahvaje-pracavac/
- Published: 2026-11-08T22:49:15+00:00
- Updated: 2026-11-09T21:13:00+00:00
- Section: Апазыцыя
- Language: be
- RU edition: https://syn.by/ru/politika/oppoziciya/sestra-sovetnika-tikhanovskoy-rabotaet-akademii-nauk.md
- EN edition: https://syn.by/en/politics/opposition/sister-tsikhanouskaya-adviser-work-academy-sciences.md

> У кастрычніку 2026 году яна значыцца дасьледчыцай акадэміі. Пасьля 2020 году ў НАН неаднаразова адбываліся палітычныя чысткі, а ў 2022 годзе дырэктарам інстытутаў загадалі звольніць затрыманых супрацоўнікаў.

![Сьвятлана Ціханоўская і Францішак Вячорка — Сястра дарадцы Ціханоўскай працягвае працаваць у Акадэміі навук Беларусі](https://syn.by/wp-content/uploads/2026/11/sviatlana-tsikhanouskaya-franak-viacorka-6723-1024x585.webp)

Родная сястра Франака Вячоркі, якога называюць галоўным дарадцам Сьвятланы Ціханоўскай, працуе ў дзяржаўнай Нацыянальнай акадэміі навук Беларусі. У кастрычніку 2026 году яна значыцца там дасьледчыцай. Імя супрацоўніцы і назву яе падзелу мы не прыводзім: яна жыве і працуе ў Беларусі.

Яна працягвае публічную навуковую дзейнасьць. Яе працы выходзяць у дзяржаўным навуковым часопісе і ў расейскіх выданьнях, а Акадэмія навук пазначана месцам яе працы ў профілі на навуковай плятформе.

Франак Вячорка — старэйшы палітычны дарадца Ціханоўскай і сын Вінцука Вячоркі.

Пасьля 2020 году ў НАН Беларусі неаднаразова адбываліся масавыя палітычныя чысткі.

Як паведамляюць недзяржаўныя беларускія выданьні, напрыканцы кастрычніка 2022 году ў акадэміі прайшла «аблава»: дапыталі больш за 40 чалавек. Потым дырэктараў інстытутаў выклікалі ў Прэзыдыюм і сказалі звольніць тых, хто пасьля гэтага апынуўся на «сутках».

Сярод звольненых быў вучоны, які правёў дзесяць сутак на Акрэсьціна.