# МЗС Беларусі рэкамэндаваў устрымацца ад неабавязковых паездак у шэсьць краін Эўропы

- URL: https://syn.by/palityka/ulady/mzs-bielarusi-rekamendavau-ustrymacca-ad-nieabaviazkovych/
- Published: 2026-10-26T11:00:23+00:00
- Updated: 2026-10-26T11:00:23+00:00
- Section: Улады
- Language: be
- RU edition: https://syn.by/ru/politika/vlasti/mid-byelarusi-ryekomyendoval-vozdyerzhatsya-ot-poyezdok.md
- EN edition: https://syn.by/en/politics/authorities/belarusian-foreign-ministry-recommends-trips.md

> У сьпіс увайшлі Францыя, Бельгія, Італія, Гішпанія, Партугалія і Албанія. Ведамства тлумачыць параду рэзкім ускладненьнем унутрыпалітычнай абстаноўкі і масавымі акцыямі.

![](https://syn.by/wp-content/uploads/2026/10/illustration-5347-1024x585.webp)

Міністэрства замежных спраў Беларусі распаўсюдзіла рэкамэндацыі для грамадзянаў у сувязі з ускладненьнем абстаноўкі ў сфэры бясьпекі ў шэрагу дзяржаваў Эўропы. Ведамства раіць устрымацца ад неабавязковых паездак у Францыю, Бельгію, Італію, Гішпанію, Партугалію і Албанію.

Нагодай у МЗС назвалі рэзкае ўскладненьне ўнутрыпалітычнай абстаноўкі. Свае рэкамэндацыі ведамства аформіла як тэрміновую перасьцярогу.

Паводле інфармацыі, якая, як паведамілі ў МЗС, паступае ў ведамства, у шэрагу дзяржаваў Эўропы адзначаюцца масавыя акцыі, у тымліку з удзелам радыкальна настроеных асобаў. У афіцыйным паведамленьні удакладняецца, што гаворка ідзе і пра асобныя дзяржавы — члены Эўрапейскага зьвязу.

За вэрсіяй МЗС, абвастрэньне суправаджаецца радыкальнымі пратэстамі, самавольнымі затрыманьнямі і жорсткімі дзеяньнямі паліцыі. Беларусам настойліва раяць адмяніць або перанесьці неабавязковыя паездкі, у тым ліку ў Францыю і Італію.

Падобныя перасьцярогі беларускі МЗС выпускаў і раней. У сакавіку 2020 году ведамства настойліва рэкамэндавала выключыць паездкі за мяжу бяз асаблівай патрэбы і папярэджвала пра магчымыя цяжкасьці зь вяртаньнем. У чэрвені 2025 году беларусам раілі адмовіцца ад паездак у Іран і Ізраіль.