У Злынкаўскім раёне Бранскай вобласьці Расеі ў выніку атакі бесьпілётніка па легкавым аўтамабілі траўмаваныя тры чалавекі, сярод іх грамадзянін Беларусі. Пра гэта паведаміла прэс-служба МЗС Беларусі.
Пацярпелага даставілі ў Злынкаўскую цэнтральную раённую бальніцу, яму аказваюць неабходную мэдычную дапамогу. Яго стан стабільны.
Аддзяленьне пасольства Беларусі ў Смаленску, паводле паведамленьня дыпляматычнага прадстаўніцтва, падтрымлівае пастаянны кантакт зь мясцовымі ўладамі і мэдычнай установай, дзе знаходзіцца пацярпелы.
Дзяржаўны сакратар Савету бясьпекі Аляксандар Вольфовіч параіў беларусам устрымлівацца ад паездак у памежныя вобласьці Расеі.
Раней МЗС Беларусі абвінаваціў Украіну ў наўмысным удары па грузавіку.
Каментары
Каб пакінуць каментар, увайдзіце праз Telegram
Скануйце QR або адкрыйце Telegram:
Адкрыць у TelegramЧакаем пацьверджаньня…