Заява п. Эрыо журналістам

Прымаючы прадстаўнікоў прэсы, новы прэм'ер Эрыо заявіў, што запрасіў да габінэту ген. Ноле, як найляпей ведаючага палажэньне ў Нямеччыне. Немцы маняцца і цяпер зрабіць так, як калісь зрабілі пасьля міру ў Тыльжы (гэта значыць, выгнаць аружнай сілай французаў… з помачай Расеі). „Мой урад будзе вясьці прыхільную палітыку да нямецкай дэмакратыі, падтрымае маладую рэспубліку, але адносна да нямецкага нацыяналізму і рэакцыі выступіць з бязумоўнай суровасьцяй“.