Трамп у інтэрвію CBS: Захад «нічога не атрымаў» ад паставак зброі Украіне

Прэзыдэнт ЗША Дональд Трамп у інтэрвію тэлекампаніі CBS News заявіў, што Захад пакуль нічога не дамогся пастаўкамі зброі Украіне. Вядучы запярэчыў, што ЗША як мінімум дапамаглі захаваць незалежнасьць Украіны. Трамп адказаў: «Вы яшчэ гэтага не атрымалі. Вы яшчэ нічога не атрымалі».

Ён таксама сказаў: «У іх была найлепшая зброя на зямлі, а мы нічога за гэта не атрымалі». Трамп выказаў упэўненасьць, што мір ва Ўкраіне наступіць, прычым вельмі хутка, а пасьля ўрэгуляваньня «Украіна будзе крыху іншай формы». Што іменна ён мае на ўвазе і якія тэрміны маецца на ўвазе, ён не патлумачыў.

Калі вядучы заўважыў, што Кіеў узбройвае Эўропа, Трамп запярэчыў: «Не, мы». Паводле яго слоў, ЗША перадаюць зброю Эўропе, прадаюць яе за поўны кошт, і эўрапейцы за яе плацяць. Ён не адмаўляў, што Украіна атрымлівае ўзбраеньні галоўным чынам дзякуючы ЗША.

У 2025 годзе ЗША і Эўразьвяз дамовіліся пра схему, паводле якой зброя для Украіны закупляецца ў амэрыканцаў за кошт эўрапейскіх хаўрусьнікаў па НАТО. Пазьней Трамп казаў, што пастаўкі ідуць паводле праграмы закупаў праз НАТО і цалкам аплачваюцца.