Пакушэньне на панцырны поезд

Пакушэньне, ці дзіцячая забава? У віленскай часопісі „Słowo“ з 25 чэрвеня была надрукавана гэткая заметка:

„Пакушэньне на броневік.

У панядзелак панцырны поезд „Данута“, ідучы з Ляндварова у Вільню, на галоўным шляху каля Воучае Лапы быў спынены з прычыны таго, што пуць быў заваленны каменьнямі і бярвеньнямі. Толькі дзякуючы ўважлівасьці жаўнераў поезд у час спыніўся і ўхіліўся ад катастрофы“.

Назаўтрае, аднак, пасьля такога сэнсацыйнага паведамленьня ў тэй-жа газеце было надрукована, што пакушэньня тутака ня было, а гэта дзеці гуляючы панакладалі кучы каменьня, якое было жаўнерамі скінута.