Пад Менскам жыхары скардзяцца на транспартны каляпс: недахоп маршрутак і заторы да самай сталіцы

Жыхары прыгарадаў Менска скардзяцца на транспартны каляпс, як паведамляюць недзяржаўныя беларускія выданьні. Відэа ад падпісчыка, апублікаванае прыватнымі беларускімі выданьнямі, якія працуюць у краіне, паказвае затор ад рынку «Таборы» аж да Менска. Машыны стаяць нават на аб’язной.

Улады і перавозчыкі тлумачаць недахоп аўтобусаў на маршруце Менск–Жодзіна дэфіцытам кіроўцаў і зьвязваюць яго зь нізкімі зарплатамі. Дадатковай афіцыйнай прычынай яны называюць недахоп саміх аўтобусаў.

Адзін зь людзей, якія скардзяцца, кажа: «Гэта катастрофа, і нікому няма справы». Жыхары гарадоў-спадарожнікаў таксама выказваюць незадаволенасьць ростам кошту праезду аўтобусамі да Менска.

Выдаткі жыхароў прыгарадаў на праезд у Менск грамадзкім транспартам павялічыліся на чвэрць і дасягнулі 200 рублёў на месяц.

Праблема чэргаў не вырашылася, нягледзячы на перанос аўтавакзала з Усходу на Уручча і ўкараненьне электроннага продажу білетаў.