Школы ў Менску і Менскім павеце

У Менску цяпер ёсьць 38 школ з агульным лікам вучняў 11.339 чал. З гэтага ліку поўных сямёхгодак ёсьць 17 і няпоўных—21.

Пэдагагічнага пэрсаналу ў школах Менску ў гэтым годзе таксама больш, чым у мінулым годзе: год назад тут было 451 пэдагог і 96 тэхнічных працаўнікоў, цяпер жа ёсьць 503 пэдагогі і 100 чал. тэхнічнага пэрсаналу.

Настаўнікаў па фізычнай культуры ў школах ёсьць 32 чал.

Па павету цяпер налічваецца ўсіх школ 224 з агульным лікам вучняў 13925 чал. і настаўнікаў 335 чал.

З гэтага ліку ёсьць у поўных сямёхгодках з лікам вучняў 1428 і настаўнікаў 48 ч.

Па мове, на якой вядзецца выкладаньне лекцыяў, школы складаюцца з гэткіх: 197 беларускіх (вучняў—12774 чал.), 5 польскіх, 4 жыдоўскіх.

Усе школы, за выключэньнем школ Узьдзенскай воласьці, надзелены зямлёй ад 3 да 5 дзесяцін, пры некаторых школах ёсьць таксама і сады.